Diabierna marduga polisnan a keda notifica cu dilanti casuela tin un pelea andando y cu menasa di arma di candela di biaha a mobilisa varios unidad policial p’e sitio. Manera patruya a yega un auto sospechoso a sali bay riba un velocidad y e personanan a indica polis cu ta trata di e auto cu e sospechosonan aden.
Un patruya a topa cu e auto riba WVB, y a start un persecusion for di rotonde Sero Patrishi cu a bin termina te na Modanza, e auto a para riba un caminda di santo y dos homber a sali un a intenta di huy y otro a keda n’e auto y polis a detene di biaha. Otro patruya a core bay tras di e otro sospechoso y a pone man riba dje y a keda deteni tambe. Ambos sospechoso a keda transporta pa warda di Polis, y e oficialnan a tuma e auto den beslag pa investigacion.