A parti e grupo pa cu e proyecto di formacion social y ta mantene na reglanan di distancia y higiena

Richard Kelly cu ta hefe na Arumil y lider di e proyecto formacion social riba e prome dia di e grupo cu a presenta splice cu nan tabata conciente pa cu e di dos ola di e coronavirus cu a hala e opleiding un siman pa por a haya e chens pa prepara tur e parti di siguridad. Manera por wak tur e muchanan tin un tapa boca, tin handsanitizer, mantene distancia y parti e grupo chikito unda e grupo ta keda parti den color debi ta grupo chikito pa mantene e distancia social.

Nos a haci e testnan tambe pafo, y kier sigui yuda e hobennan y pesei a sigui cu e programa aki. Richard Kelly a duna di conoce cu nan ta hopi den e parti di contacto y team work, y den un team chikito y hopi cos cu nos por haci den e momento aki cu mester ta den grupo chikito. Nos lo sigui e hobennan aki e parti di disciplina y e programa no a conoce un cambio ta solamente e parti di concientisacion di e situacion cu nos ta aden cu parti higiena, pero e programa a keda mescos y mester a corta e klasnan cu un ta haya un les y e otro ta haya otro les. Nos lo bay mas den naturalesa, e muchanan lo ta tres siman paden y ora nan bay cas nos ta avisanan pa keda cas, come y keda save y despues bin bek kazerne y lo haci e testnan.

Comments

comments