Diasabra a haci vindishi di un ticket pa bay espacio hunto cu Jeff Bezos. Un biahe suborbital di 11 minuut. Di e betnan haci, esun cu a gana a paga 28 miyon dollar.
E compania di subasta luna pasa – prome di a revela e multimiyonario fundador di Amazon, Bezosa, hunto cu su ruman Mark Bezos, lo ta abordo di e misión inaugural New Shepard.
Director di venta di Blue Origin, Ariane Cornell, a bisa cu durante un transmisión en vivo di e evento di 7600 persona di 159 pais cu a registra, a tene e evento na Boston. No a menciona nomber di e ganado.
Ta programa pa e vuelo lanta for di instalacionnan di Blue Origin, den e ciudad Van Horn na west di Texas, dia 20 di juli awo.
Blue Origin, e compania di satelite cu Bezos a funda na 2000, a pasa gran parti di e decada ta test New Shepard, e sistema di capsula y misil di 18 meter di halto. Esaki lo ta prome biaha cu sernan humano ta biaha abordo di e nave completamente autonomo despues di a haci 15 vuelo di test, sin tripulacion, desde 2015.
E meta final di e compania ta pa bende ticketnan na publico en general, ofreciendo biahenan cortico pero vibrante na mas di 100 km riba Mundo pa disfruta di e bista panoramico.
E marca di 100 km di haltura internacionalmente ta wordo considera como e limite di e espacio exterior, aunke cu Gobierno Mericano ta considera e ta mas di 80 KM.
E 28 miyon dollar, cu ta bay pa donación, ta mas di loke e competidor directo di Blue Origin, esta Virgin Galactic, a bende su ticketnan. Aunke Galactic ainda no tin cliente cu a paga, ya nan a bende rond di 600 ticket pa suma di entre US$ 200.000 y US$ 250.000 cada un.