Boneiro: Riba djaluna 12 di desèmber 2022, minister di Hustisia i Seguridat a postulá señor Alwyn Braaf serka Rei, pa nombra señor Braaf komo hefe nobo di Kuerpo Polisial Hulanda Karibense. Despues di un selekshon kouteloso, e komishon di selekshon a nominá señor Braaf pa e funshon.
Señor Braaf tin un karera ekstenso den Kuerpo, ku mas di 25 aña di servisio na KPCN. Aktualmente e tin e funshon di hefe di reshèrshi na KPCN, un funshon ku e ta ehersé ku hopi dedikashon i profeshonalismo.
Instalashon di e hefe nobo di kuerpo ta tuma lugá riba djabièrnè 13 di yanüari 2023 i dia 12 di yanüari e hefe di kuerpo aktual, señor Jose Rosales, lo baha for di e funshon. KPCN ta hopi agradesido na señor Rosales ku a okupá e funshon di hefe di Kuerpo Polisial Hulanda Karibense pa 6 aña. Sinembargo, señor Rosales, pa algun aña más, lo fungi komo konsehero di kolegio di hefenan di kuerpo i lo risibí i instalá e hefe di kuerpo nobo kordialmente.
- Latest
