A Night of Glamour – The GoldMine Era – Un Evento Unico y Diferente

0
RBC Juli 2018
Funmiles-2018

Kiwanis Young Professionals Aruba (KYPA) pa e ultimo añanan a bin ta treciendo diferente fundraising event cu un toque diferente y unico. Eventonan manera Wine & Tapas, Sunset Sushi, y Summer Glow a crece aña tras di aña na diferente localidad entre otro, Gari & Wasabi, Azia, Sand Bar, Emotions, Aruba Racquet Club, Oxygen, y tambe Plaza Daniel Leo. Tur exitoso y tur cu un toque diferente. Sigur no por keda sin menciona cu 100% di e fondonan for di e eventonan aki a bay bek den diferente proyecto cu KYPA a bin ta haci e ultimo añanan pa nos comunidad y specialmente muchanan di nos comunidad.
Pa 2018 KYPA un biaha mas ta treciendo un otro Fundraising event cu sigur tin tur ingrediente pa bira un anochi inolvidabel. E aña aki KYPA ta presentando – A Night of Glamour – The GoldMine Era. Esaki lo ta tumando luga April 30, 2018 y localidad di e aña aki ta Plaza Padu. Sigur un luga diferente y unico pa asina acapara historia y cultura den e tema di Oro. Orario di e anochi aki lo ta 8:30pm pa 1:30am. Entretenimento pa e anochi aki lo ta den man di 2 di Aruba su bandanan preferi Buleria y D’licious unda cu por spera ambiente y setnan varia di tur tipo di genero di musica. Pa aña di na e anochi aki tambe lo t’ey como guest stars e 2 artistanan cu a causa furor durante temporada di Carnaval 2018 esta Tony Mingo – T-Money & Freddy Richardson – Rasta. No por keda sin menciona cu pa e anochi lo tin un tremendo DJ Battle cu lo entrene publico esta Dj Sky y Beatz Entertainment. Esaki sigur no lo ta algo pa faya ya cu e dos cabayeronan aki lo ta banda di otro mesclando musica y dunando e publico un experencia diferente.
Contribucion pa e anochi aki ta Afl 175,- cu ta inclui GoldBites y tambe un Premium Open Bar y sin duda un ambiente incomparabel. Sigur no por keda sin menciona un bes mas cu 100% di e fondonan recauda e anochi aki ta bay bek pa comunidad. Proyectonan cu KYPA a bin ta ehecuta manera Christmas in a Box cual na fin di aña 2017 a logra yuda 111 famia di menos recurso. diferente donacionnan. Pasa dia cu muchanan di Imeldahof. Conhunto cu e famia grandi di Kiwanis tambe a aporta y yuda ‘hands on’ na K One Day y tambe Back to School project. proyecto na caminda ta entre otro den colaboracion cu Switch Foundation un documentario di riba topico di Human Trafficking. Tambe KYPA ta den proceso riba un proyecto cu lo trece bek cu ta yama Placa Chikito unda ta siña muchanan for di chikito con pa anda cu placa y e importancia di spaar. KYPA tambe ta sponsor un K-Kids program na Princess Amalia Basischool unda cu ta duna studiantenan oportunidad pa ta lider na un edad hoben y haci un diferencia durante full e aña escolar.
April 30, 2018 – Plaza Padu ta e luga. Check bo ticket na tur miembro KYPA of manda nos un inbox na nos facebook page of por yama tambe na cel 5689931… Nos ta wardabo; wak pa bo t’ey!

Comments

comments

C: Heineken
new india