A mira movecionnan den area di Arashi di posibel ilegalnan

Cuerpo Policial ta informa: Diamars merdia 1:38 central di polis ta wordo notifica door di Centro di Alrma cu nan a haya un yamada cu lo a wak 6 persona tur muha na altura di lighthouse. Di biaha a despacha unidad di polis pa asina controla. Polis ta bin encontra na e trapi di light house 6 tas ainda muha. Sospecho ta cu lo por ta trata di ilegalnan. Ta asina cu mas unidad a yega na e sitio y a cuminsa cu un buskeda den e area menciona. E helikopter di polis tambe a wordo lanta pa asina asisti cu e buskeda .
Te cu awo no a encontra cu ningun persona ni a haci ningun detencion.
E tasnan a wordo confisca y hiba warda di polis .
Patruya di Noord y Strand lo keda controla den e area aki .

Comments

comments