Un mama y su tres yiu muhenan a wordo asesina diadomingo den un tiramento den un bario zuid di e ciudad di Chicago (Merca). Segun autoridad, lo a trata aki di un episodio di violencia domestico y e principal sospechoso ta casa y tata di e victimanan.
E echo a sosode den e localidad di Tinley Park, mas of menos 50 kilometer zuidwest di Chicago.
Na momento di a yega e luga, polis a haya e cuater muhenan sin bida cu herida di bala y un homber ileso cu a wordo deteni. Segun e medionan local, e supuesto agresor a realisa un yamada for di e vivienda na 911 prome cu polis a yega.
E medico forense a identifica e victimanan como Majeda Kassem, di 59 aña, Halema Kasem, di 25 aña, Zahia Kassem di 25 aña y Hanan kassem, di 24 aña.
“E agresor ta bao custodia y e escena (di e crimen) ta sigura,” autoridad a comunica, sin precisa mas detaye riba e caso. Te n’e momento no a presenta cargo contra e sospechoso, identidad cu no ta publico ainda.