Diabierna a tuma luga e firmamento pa e tema di Spearfishing, e lucha di mas di 20 aña pa obtene permiso pa e tema di tiramento di piscado a bira un realidad cu un decreto di tolerancia.
Minister Chris Romero ta comparti cu for di diabierna a entrega e prome 15 beschikking, esaki ta pa esnan cu a manda nan peticion di prome cu conseho a sali positivo pa obtene e permiso.
E mandatario ta bisa cu awo e persona cu ta practica esaki manera ofishi ‘un otro manera di pisca’. E persona cu tin e decreto aki solamente por haci e ofishi aki. Un bes e registra, e persona ta registra dos speargun, nan lo haya un sticker special y un number riba nan.
Di e forma ey, ora tin control, por sa si e persona tin e decreto di tolerencia. Sin esaki, no por drenta awa. Pa cada persona cu tin e permiso aki tambe haya un mapa caminda tin poni unda mag y no mag pa tira pisca.
Pa finalisa e mandatario a bisa cu tin mas cosnan cu por ahusta cu tempo den e decreto pero pa awo tin e caminda pa esnan cu ta haci esaki manera un trabou tin e libertad.