Rino Hermans encarga cu Departamento di Calamidad di Aruba durante un conferencia na Bubali Plas a informa cu desde 2014 Aruba a cuminsa maneha e yobida di awa cu tin cu bay pa lama y un di nan ta e bario di Noord ta Bubali Plas, cu ta drenta saliña di Palm Beach y asina drenta Keito y bisindario. Ultimo aña a bin un maneho di naturalesa e conocido sluis cu tin e procedura ta cu momento cu constata cu tin mas cu 40 mm di awa DOW tin cu maneha e nivel di awa pa trece tur esaki na Bubali Plas, despues cu a introduci un maneho di Bubali Plas e sluis no mag di keda habri asina mas.
Den ultimo siman aki a considera cu sistemanan di tempo cu a pasa rond di Aruba a trece awa rapidamente pa awa y nos tera ta satura y esaki por a ripara cu e awa di Bubali Plas a crusa Sasaki y a bira molester pa e habitantenan di San Miguel. E molester so di e awa pa San Miguel ta inconveniente pa e hendenan cu ta biba eynan y ta un awa morto y loke ta creando un epidemia di sangura y momento cu DOW a informa departamento di calamidad pa wak con pa suavisa e aki y abase di esaki a pomp awa for di e grote plas di Bubali Plas y mande den e saliña di Palm Beach pa asina baha e nivel. Ta premira cu tin mas awa simannan venidero, pero prome cu tuma un decision mester consulta cu e partnernan cu DOW, ministerio di naturalesa pa cu e maneho y abase di esei dow a pidi departamento di calamidad pa un centro di coordinacion.
E parti mas ariba di awa so lo bay den lama y ta cuminsa anochi te cu marduga unda asina cu e stroom di lama por bay cu esaki afo, si no haci esaki lo encontra cu un San Miguel y casnan tur lo bay ta bou di awa y ningun hende no kier biba den un ambiente asina, y salud publico ta bay bin cu un epidemia di sangura y ta cosnan cu nos no kier sr Rino Hermans a menciona.
Prome cu a tuma e decision pa cu habrimento di e sluis tabatin hopi factor pa sigura y prome cu a yega di e leu pa loke ta e sluis, unda cu Bubali plas a yega su limite di awa.