Diasabra mainta den edificio di RBC a tuma luga e lanzamento di e jingle di carnaval 70 y pa 11:11 mainta oficialmente lanza e temporada di carnaval. SMAC ta gradici na RBC pa e confiansa un biaha mas y pa cu e espacio, Presidente di SMAC a hiba palabra momento cu a yega un otro 11:11 y a gradici tur hende. Carnaval 70 ta uno grandi y cu reto Darren a menciona y ta e carnaval mas bieu den Antiyas.
Pierre Rafini di RBC tambe a hiba palabra y a yama Bon Bini na SMAC completo y tur carnavalistanan, y pa RBC ta orguyo cu ta haciendo esaki 25 aña caba, den 2024 ta bira 26 aña cargando e proyecto aki y como participante di carnaval. Pierre a gradici e cantantenan di e jingle di Carnaval 2024 Bradley y Chandell y e productornan Dwight y Rygell.
