Bureau City Inspector a risibi un jamada di e bisinanan den besindario cu den luna di januari semper tin un grupo di hende di e mes un bario ta pasa cas pa cas busca kerstboom pa nan por traha un seroe grandi di kerstboom pa por kimanan ariba un tereno net meimei di cas nan Pos Chikito 28 – D Y Pos Chikito 36 – K. Riba e tereno aki nan ta pone e Kerstboom nan y cende nan na candela. Esaki ta un celebracion pa e bario tur anja dia 6 di Januari. Despues di e celebracion aki nan no ta haci e lugar limpi y a bay laga esaki tur sushi atras. Team di B.C.I. conhuntamente cu Serlimar a bay na e sitio y a logra hasi e parti aki limpi. Nos kier pone e grupo aki na altura cu nos lo sigii controla esaki di serca otro aña. Ariba e combinacion di potret por mira con sushi e tabata y con limpi e tereno a keda.