Diadomingo 9 di juli den oranan di madruga a ser detecta riba RADAR un embarcacion sospechoso drentando awanan territorial di Aruba biniendo for di direccion di Venezuela. Den cuadro di bon coperacion y coordinacion entre Korps Politie Aruba (KPA) y Warda Costa di Caribe Hulandes, ta logra intercepta e embarcacion, cu intento pa drenta Aruba di forma ilegal, y ser translada na e base di Warda Coss na Savaneta. Abordo tabatin 15 hende homber, tur di nacionalidad Venezolano. E capitan a wordo deteni y a ser entrega na e recherchenan di Unit Mensenhandel Mensensmokel pa sigi ku e investigacion. E demas personanan a ser entrega na Guarda Nos Costa.
E caso ta den pleno desaroyo y e investigacion lo sigui cana su caminda.