E barco di Marina Zr.Ms. Holland, pa di tres biaha den un tempo cortico, a intercepta un transporte di droga. Den Laman Caribe e barco di patruya a sa di stop un barco di pesca cu abordo diesocho persona. Hunto cu esaki e barco a intercepta 325 kilo di cocaina. E captura a tuma luga riba diadomingo 20 di juni y awe ta keda mandá afo.
Un di e avionnan marítimo di patruya di Wardacosta Region Caribe, a descubri e barco di pesca, cu na dje mara un ‘go-fast’ un barco rapido di droga. Despues di esaki a avisa Zr.Ms. Holland, cu despues a pasa pa accion cu su dos barconan rapido di intercepcion (FRISC), cu abordo un ekipo combina di Wardacosta Mericano y Cuerpo di Marina. Tambe e helikopter marítimo di combate NH90 a keda activa.
Despues cu e diferente unidadnan a acerca, e pasaheronan di e ‘go-fast’ bashí, den forma di desviacion, a los esaki. Na e momento ei nan a tira un cantidad grandi di contrabanda den laman. Un FRISC di Zr.Ms. Holland a bolbe saca e bultunan for di den laman. E ekipo di embarke Merikano a subi abordo di e barco di pesca y a detene e diesocho pasaheronan. E barco di pesca tabata nabega bou di bandera Venezolano y tur e pasaheronan ta di nacionalidad Venezolano.
E sospechosonan y e contrabanda mas despues a keda entrega na un barco di Wardacosta Mericano. Den e accion 325 kilo di droga a keda confisca.
Di tres biaha
Zr.Ms. Holland como barco patruyero for di mei 2021 ta atrobe activo den region, y ta combina operacionnan anti-droga sosteniendo Wardacosta Caribe. Mas na cuminsamento di e luna aki caba e barco aki a sa di intercepta dos transporte di droga.