Diaranson durante dia casi anochi autoridad na Curacao a keda informa cu a haya un turista Mericano di 60 aña morto den su cabina riba e barco crucero Carnival. E ultimo biaha cu pasahero a duna señal di bida tabata dos dia pasa. Esaki a keda informa door di e otro pasaheronan y tambe telefonicamente door di famianan. E curpa tabata den un estado di descomposicion. Segun patologo y medico di Polis, no tin ningun indicacion cu ta trata di un crimen. Pa e motibo aki no a tuma e curpa den beslag. Lo bay cu e curpa Puerto Rico y eynan lo keda transporta pa Merca. Te cu ayera e barco tabata mara na Megapier y mester a sali 12:00 marduga pa Aruba.