Patras di Camacuri minimarket riba Avenida Milo Croes na Dakota diamars atardi un persona a reporta na autoridad cu a bay bishita un persona cu ta bibando suso y tin algun dia sin wak su persona. Momento cu e persona a bay wak a haya un olor desagradabel y a reporta na polis.
Patruya a presenta di biaha n’e sitio y a cera e area y a notifica dokter y departamento tecnico cu a presenta. A bisti mask pa drenta den e cas debi e homber tabatin algun dia morto caba y den un estado cu e curpa tabata hincha caba. Dokter a constata morto natural di e persona debi cu no tabatin nada cu un crimen a tuma luga. E homber ta biba suso den e cuarto chikito.