Forsa combina a haya diabierna dos curpa sin bida di e ocho personanan cu a biaha abordo di e avion accidenta parti nort di Venezuela, un fuente oficial a informa.
Mayor general Carlos Perez Ampueda, vice-minister pa Maneho di Riesgo y Proteccion Civil, a detaya a traves di e red social X cu nan a haya tambe parti di e avion cu e descripcion YV3296 BE20.
“E buskeda di e demas tripulantenan ta continua,” el a señala.
El a indica cu e efectivonan di Fuerza Armada Nacional Bolivariana, di Proteccion Civil, Bombero, Conseho di piscado, boluntario y personal di e Sistema di Buskeda y Rescate di e Instituto Nacional di Aeronautica Civil (INAC), a intervni.
E avion a lanta parti atardi fo’i Maracaibo, estado Zulia, noordwest di e pais, cu destino pa Nueva Esparta, noordoost (isla di Margarita) y a prde contacto cu e radar di comunicacion aeronautico, INAC a indica den un comunicado.
Una bes cu e desaparicion di e avion tabata conoci, a activa e protocolnan di buskeda y rescate corespondiente cu e obhetivo di localisa e avion cu ocho persona abordo, el a mustra.
Den e avion tabata biaha e empresario y piloto, German Wolter, su dos yiunan, German y Mia, ambos menor di edad, su casa Paula Homez, su tata, Federico Wolter, Laura Prieto, Hilda Rincon y e piloto Bernardo Azocar, shete di nan miembro di un mesun famia, segun prensa local.
