Un control di siguridad reciente den Sentro di Detenshon y Korekshon Kòrsou (SDKK) a conduci na confiscacion di un cantidad notabel di contrabanda, incluyendo telefon celular, droga y hasta un arma di candela cu municion.
E resultadonan aki no solamente ta causa di preocupacion, pero tambe ta obheto di mas investigacion pa descubri e fuentenan di e contrabanda aki y e metodonan di contrabanda. Autoridadnan di SDKK a anuncia cu lo sigui mas control sin aviso previo pa garantisa siguridad tanto di e detenidonan como di e personal.
E confiscacionnan ta mustra cu aparentemente no ta dificil pa contrabanda den prison. Aunke un vocero a enfatisa cu e confiscacionnan ta “un señal cla cu nos esfuersonan pa combati contrabanda ta necesario y efectivo.”