A haya 15 curpa den boto na costa

Awe den oranan di mainta, piscadonan a topa cu 14 curpa, 1 carpachi den un boto cerca di costa di Trinidad & Tobago.

Mesora a informa cu e boto no ta local. Autoridadnan di e isla ta sospecha cu nan ta procedente di Venezuela. Hopi ciudadano di e pais aki ta trata di yega e isla, en busca di un miho bida.

Piscadonan a topa e boto ta drif na e costa di Pembroke, zuidoost di e isla.

E informacion a wordo suministra door di e Agencia di Maneho di Emergencia di Tobago, y nan a bisa cu e curpanan ta den estado avansa di descomposicion. Nan ta parce homber, di ascendencia Africano y nan tabatin regenjas color berde bisti.

A lastra e boto hiba pa e haf di piscado Belle Garden di e isla.

E informa di prome instante ta mustra poco contradictorio. Un rato ta menciona cu ta sospecha cu e hendenan ta di Venezuela, pero tambe ta papia cu nan ta mustra hende di descendencia Africano (nan color).

Por corda cu un poco mas cu un siman pasa panort di Aruba tambe a topa cu un boto similar na esun haya awo na T&T cu 15 curpa, den estado di descomposicion den dje. Warda Costa di Aruba sinembargo no a logra trece e boto tera.

 

Comments

comments