Diahuebs atardi polisnan a keda dirigi pa un cas na Madiki unda algun homber den un nissan march a presenta y menasa e persona cu arma di candela y otro tipo di arma, e ciudadano a duna polis informacion den ki auto nan a bay.
Patruyanan a cuminsa cu un buskeda y K9 unit atento den Pitastraat a topa cu un nissan march modelo nobo y a bay para e vehiculo aki di biaha, debi cu tabatin 3 homber aden. Mas patruya a presenta y asina a baha tur hende fo’i e auto y durante control polisnan a canta bingo a haya basta cuchiu den e auto. Di biaha a bay over na detencion di tur hende y tuma e armanan blanco aki den beslag pa mas investigacion.
