Philipsburg, St. Maarten: A encontra dos curpa sin bida di un homber y un muhe na Guana Bay St. Maarten diasabra mainta. Ta sospecha cu e dos curpanan aki ta envolvi den un caso di traficacion.
Diasabra mainta pa mas o menos 6:30 di mainta, oficialnan di St. Maarten a ricibi yamada tocante un curpa cu ta flotando riba lama na Guana Bay. Na nan yegada por a mira un curpa di un femenino flotando riba lama y banda di dje su pertenencianan tambe cu tabata flotando. Despues di a analisa e situacion, ta pidi ayudo di Coast Guard pa asina saca e curpa for di lama. Recherchenan y Departamento Forensico a wordo mobilisa pa asina investiga e situacion tragico aki.
Pa mas o menos 10:30 di mainta, un otro alerta a sali pa oficialnan, informando cu tin un otro curpa flotando riba lama pero saki ta trata di ta un curpa masculino. Recherchenan, Departamento Forensico y oficina di Fiscal a presenta na sitio di biaha. E curpa di e victimanan a wordo transporta pa un funeraria local pa asina haci diferente test.