INGLATERA – Polis Britanico a detene diamars un di tres sospechoso di e atentado cu un bom di fabricacion casero cu a laga 30 persona herida den e metro di London.
Un homber di 25 aña a wordo deteni pa agentenan Antiterorista na Wales, segun Polis Metropolitano di London. Ademas, a agrega cu “ta realisando un registro den (e ciudad di) Newport a rais’ di e aresto.
Dos hoben a wordo aresta diasabra na Inglatera pa e mesun atentado: uno di 18 aña den e ciudad di Dover y e otro di 21 den e suburbio Londinense di Hounslow, segun e agencia di noticia AFP.
“Esaki ta sigui un investigacion cu ta avansa rapidamente. A tuma luga un cantidad significativo di actividad desde e atentado di diabierna,” Dean Haydon, hefe di e unidad antiterorista di Polis Metropolitano, a sigura.
Fuente: www.ntn24.com