Polis di districto di San Nicolas tabata activo diasabra tardi cu control di trafico. Na La Granja na Savaneta a tene un control, a para varios auto cu sea tabata bay ariba of abou. E control a cuminsa for di oranan trempan di atardi y lo bay te den oranan mas laat di anochi.
No ta eynan so nan ta para, sino mas caminda den districto San Nicolas. Durante e control aki, a para un Jeep, tabata tin 3 persona aden, 2 homber y 1 dama, e agente policial a haya un holor fuerte di marihuana. Ora a controla den auto, a topa cu un cantidad di puchi di marihuana, a confisca e droga y a detene e trio aki.