Luis Fernando Morales Andrade, acusa pa supuesto violacion di un menor, a wordo deteni den e municipio Colombiano di Yumbo, den e departamento di Valle del Cauca, Ministerio di Inferior Ecuatoriano a informa diadomingo.
E detenido, kende ta e di nuebe criminal mas busca di Ecuador, a keda na disposicion di e autoridadnan Colombiano en espera di e audiencia y di e proceso formal di extradicion n’e pais bisiña.
Sinembargo e cartera di Interior no a proporciona as detaye, e medionan local a indica cu, riba e homber, conoci como “el violador taxista,” tin por lo menos tres denuncia pa abuso sexual na Quito. Den un di e casonan, Morales Andrade ta acusa di a menasa un hoben yama Evelyn cu cuchiu, pa hib’e na un motel, caminda e lo a viol’e.
E acusado a wordo poni den prizon preventivo na 2018, pero despues di un luna, Corte Provincial di Pichincha a lag’e den libertad.
