Autoridad Colombiano a desmantela un red cu tabata bende documento di identidad falso n’e migrantenan Dominicano y Venezolano den un operacion caminda a detene 31 persona, entre nan tres funcionario di Canciyeria y tres di Registraduria, Ministerio Publico a informa diahuebs
E grupo crminial tabata ofrece nan “servicio” den e ciudad Caribeño di Barranquilla y pa nan operacion, La Registraduria, cu tabata carga e registro civil den e pais, tabatin cu anula por lo menos 344 cedula falso cu parce a wordo bendi, principalmente, n’e migrantenan Dominicano y Venezolano, mientras cu Ministerio Publico a constata e expedicion iregular di 304 paspoort.
“Segun e investigacion, e red tabata cobra entre 2000 y 4500 dollar Americano pa suministra documento falso n’e migrantenan, kendenan cu e aparente identidadnan Colombiano, tabata biaha pa Mexico of Guatemala pa crusa bay Merca. Algun di nan tabata dirigi n’e paisnan Europeo pa nan keda ey of busca manera pa por drenta Norteamerica,” e Ministerio Publico a agrega den un comunicado.
E institucion tambe a manifesta cu e grupo criminal parce ta activo desde 2021 y lidera pa un Dominicano y un muhe Colombiano cu “tabatin na su disposicion un cantidad considerabel di captador, colaborado, tramitado y algun famia.”
Den e sentido aki, tabatin 11 persona cu tabata busca e migrantenan pa ofrece nan y tramita e documentonan gekonkel, mientras cu tres empleado y seis ex-funcionario di e Registraduria “lo tabata a carga di ubica registro civil di e personanan cu no tabatin cedula pa suplanta nan.”
Despues, tres empleado y cinco trahado di e Cantiyeria tabata encarga di “formalisa den paspoort e identidadnan falso.”
“Cu e documentacion fraudulento aki,, cu tabata duna nan apariencia di ciudadano Colombiano, e migrantenan tabata biaha cu facilidad door di diferente pais,” Ministerio Publico a precisa.
E personanan aki a wordo deteni den operacion realisa den e departamentonan di Atlántico, Amazonas, Bolívar, Caquetá, Casanare, Córdoba, Cesar, La Guajira y Sucre. Ministerio Publico lo pidi un hues medida di aseguramento preventivo contra nan.
E personanan captura lo wordo acusa p’e delitonan di trafico di migrante, falsedad ideologico di documento publico y enrikecimento ilegal.
Colombia ta un pais importante di paso den e rutanan migratorio nobo pa Merca, debi na su posicion geofrafico cu ta sirbi di brug entre Sur America y Centro America, na momento cu no ta exigi visa na varios nacionalidad.
