Internacional: Ovidio Guzman Lopez, yiu di narcotraficante Joaquin “El Chapo” Guzman, a aparece dilanti un corte di Estados Unidos, unda e ta declara su inocencia riba cargonan di narcotrafico y labamento di placa.
Den su prome aparencia, tres dia despues cu nan a extradite for di Mexico dia 15 di september, Guzman Lopez a presenta su mes cu un uniform color oraño y boei dilanti Corte federal Dirksen den centro di Chicago.
Pakico nan a extradita Ovidio Guzman y kico nan ta acus’é di?
Fiscalnan a bisa dilanti corte cu e opcion pa pena di morto a keda kita for di e posibilidad pa Ovidio Guzman como parti di negosacionnan pa extradicion cu autoridadnan di Mexico. Tambe nan a bisa cu dos di e seis cargonan cu Guzman Lopez ta enfrenta ta conduci un condena bida largo obligatorio.
Guzman Lopez lo keda deteni sin derecho na fiansa den espera di e caso.
Dia 15 di september ultimo, Departamento di Husticia di Estados Unidos a confirma e extradicion di Ovidio Guzman atraves di un comunicado: “Como resultado di cooperacion den asuntonan di husticia entre Estados Unidos y Mexico, Ovidio Guzman Lopez, lider di Cartel di Sinaloa, a keda extradita pa Estados Unidos. Esey ta e paso mas reciente den esfuerso di Departamento di Husticia pa enfrenta tur aspecto di operacionnan di e cartel”.
