A cuminsa pa prepara pa cualkier calamidad

Ayera, dialuna 19 di augustus a cuminsa un training di 5 dia pa voluntarionan di
Cruz Cora Aruba y trahadornan social di Sociale Zaken. Semper preparando pa cualkier
desaster, Cruz Cora semper ta keda train su voluntarionan. Algun siman pasa, e Disaster Team di Cruz Cora Aruba a biaha pa duna e curso aki na Cruz Cora Bonaire. E curso aki ta wordo parti awe cu mañan y 3 dia den september. E instancia encarga pa habri shelters na Aruba durante un calamidad, stipula den e Plan di desaster na Aruba, ta Sociale Zaken. E meta di e curso ta pa train tur cu ta envolvi den maneha un shelter na Aruba. Asina tur por traha riba e mesun liña durante un calamidad y haci un mihor trabou hunto. Cu ayudo di Bureau Rampenbestrijding a planea e training aki pa prepara shelter managers y shelter supervisors. Pa shelter managers tin 31 participante y den september lo tin e parti pa
shelter supervisors. ,E voluntarionan ta repasa material di American Red Cross y tambe ta adapta pa situacion local riba tema manera: Emergency Plan & Evacuation Drill, Mass Care, Purpose Shelter Operations, Types of Sheltering Operation and Cycles y e curso ta caba cu un simulacro di un shelter. Ta traha cu e plan basa riba e Oost-Centraal-West/ San Nicolas-Oranjestad-Noord/Paradera division di Aruba. Cruz Cora Aruba ta gradici instructornan Marla, Humprey y René pa facilita e training aki y ta desea tur participante hopi éxito! Pa mas informacion: Humphrey Gomes 567 5037 of René Ridderstap 594 3397

Comments

comments