A cuminsa cu control di Klapchi: DTI a laga number di contacto den caso di emergencia

DTI ta forma parti di e comision di Klapchi hunto cu DOW, KPA y Brandweer. DTI tin personal cu lo ta atendiendo cu personanan cu tin establecimento na unda tin benta di klapchi e dianan venidero y ta pidi tur hende pa tene nan mes na reglanan. DTI lo bay controla si instalacionnan di coriente ta den bon condicion, si no tin wayanan cu ta core rond, si tin peligernan di cualkier forma, DTI lo atende cu esaki y duna informacion riba kico lo mester drecha of cambia.

Tambe ta controla e parti di siguridad pa trahadornan y esnan cu ta bishita e luga. DTI tin un lista cu tur cos precisamente detaya riba kico ta controla, cada departamento den e comision di klapchi ta atende cu nan parti pero si ta traha hunto.

Aunke cu nan ta cera, tin un manera di comunicacion cu DTI a laga atras den caso di emergencia cu por tuma contacto cu nan. Esaki ta 593 7922, tambe por manda email via [email protected] y por manda mensahe via Facebook tambe na unda lo haya contesta den un termino hopi cortico.

Comments

comments