Krystyna Pyzkova, representante di Republica Checa, a converti den e Miss Mundo nobo, certamen anual cu a tuma luga diasabra, den su di 71 edicion den e Centro Mundial di Convencion Jio di Bombay, na India.
Despues di a sobresali entre mas di 100 candidato di e aña aki y posiciona su mes entre e cuater mihonan, Pyzkova, a supera e aspirant di Libanon, Yasmira Zaytoun, nombra como e prome finalista, Lesego Chombo, di Botswana y Ache Abrahams di Trinidad y Tobago, a completa e cuadro di finalista.
E Europeo di 24 aña awo t’e sucesor den e trono di e Polaco Karolina Bielawska y e di dos muhe di su pais pa bay cu e corona.
Fuera di su beyesa, e studiante aki di Derecho y Administracion di Empresa a briya pa cu compromiso cu causa social. Di acuerdo cu su biografia, su mayor momento di orguyo tabata pa habri un scol di Ingles pa mucha desfaborerci na Tanzania, caminda tambe el a traha como boluntario.
Fuera di e corona, cu un prijs calcula di 750 mil dollar, e soberano nobo aki a ricibi un premio cuantioso cash di un miyon dollar. E incentivo economico aki e lo kier uza pa sirbi di sosten den su esfuersonan humanitario y p’e desaroyo di iniciativa social cu lo dicidi pa impuls’e como embahadora di causa benefico.
E aña aki e gala di e concurso di beyesa internacional mas bieu di e planeta y a wordo dorna cu e esencia di Bollywood. E candidatanan a baila y a desfila riba ritmo Indio y riba e pasarela nan a bisti trahe tradicional. E celebridadnan iconico di e industria cinematografico Indio importante a deleita pa nan actuacion.
