Despues di tanto keho cu a drenta di bisiñanan cu aparentemente ta habri porta di cura di cas, pa laga trucknan drenta pa benta sushi ilegal na Matadera. Sr. Danilo Prescott di Bureau City Inspector cu e relato.
Bureau City Inspector a bin tene un control y a bin haya sushi di cas, tambe bastante sushi di resto di material di construccion, cu ta wordo tira ey tras.
Sr. Prescott a bisa cu algun aña atras, City Inspector hunto cu Scol di Polis di distrito Noord a haci full e tereno limpi. A laga cera esaki cu barancanan y esaki aparentemente esey no a yuda. Un biaha mas lo mester haci’e limpi y cer’e esaki di manera cu niun auto no por pasa mas. E tereno en cuestion, ta un tereno di gobierno y casi sigur un ‘Groengebied’.
Pa loke ta e dump ilegal, esun cu ta laga e truck pasa pa bay tira sushi, esey kiermen cu e persona aki tambe ta actuando contra di ley, y lo tin consecuencia pa esaki.
DOW y DIP lo mester encarga nan mes cu e tereno y CIty Inspector lo traha e rapport y tambe e boetnan. Te asina leu, Sr. Danilo Prescott, di Bureau City Inspector.