Director di DOW, Marlon Croes a duna di conoce cu a conoce un evolucion den plateu’s na Aruba. Si ripara añanan anterior tabat usa plateu’s di klinkers y nan tabata mas grandi pero esakinan ta costa hopi placa entre otro 15 16 mil Florin pa uno. Pero Minister Otmar Oduber a pidi pa wak con por haci esaki mas eficiente y mas barata y esaki DOW a haci algun test, porcierto na Spaans Lagoenweg na Pos Chikito caminda a traha uno chikito y un den size normal. Loke a haci esakinan mas eficiente tambe ta cu a hunga cu hanchura loke ta haci e auto ta sintie mucho menos duro pasobra dado momento ora e auto pasa riba dje, tanto e wiel dilanti como esun patras ta riba dje. Pa loke ta e haltura esaki ta 12 cm y esaki no lo wordo cambia. E director di DOW a bisa cu tin hopi mas di e platuenan aki ta bini rond nos isla y e midinan aki ta esunnan cu lo keda aunke tur cos ta depende na cruzadanan caminda di crusamento di peaton, eynan ta usa esun mas grandi y caminda ta pa solamente baha e velocidad di trafico ta usa esun mas chikito. E prioridad pa e plateunan ta rond di scolnan y kreshnan p’asina por garantiza seguridad den trafico pa cu e muchanan di scol ora di cruza caminda. Director di DOW tambe a remarca riba e liñanan den estilo di lamper cu esakinan ta pa identifica e plateu mirando cu a cambia e estilo di esakinan. Tur esaki ta pa spierta e automobilistanan cu nan ta jegando un plateu y mester tene cuente cune. Te ainda no a logra haci evaluacion riba e cambionan cu tin ja cu ta recientemente e cambio aki a wordo introduci ues ainda mester bai wak esaki.