Un mama y un padrastro a permiti un homber viola nan yiu muhe di 11 aña a cambio di un auto y placa cash den e ciudad di Danli, na Honduras, Direccion Policial di Investigacion di e pais (DPI) a informa.
Segun e investigacion, e mayornan di e mucha muhe a bend’e pa haya un auto Hyundai y pago mensual cash. E menor a subri abuso sexual durante seis luna.
DPI, cu sosten di Direccion Naional di Prevencion y Siguridad Comunitario, a aresta e mama di 33 aña, e padrastro di 33 y e violado di 29. E tresnan ta enfrenta cargo di violacion continuo grave y complicidad di violacion continuo, den perhuicio di un menor di 11 aña y ya a entrega nan na autoridad competente pa nan wordo procesa conforme ley.
Durante e detencion, e agentenan tambe a confisca e Hyundai, e celular di e arestadonan y un tablet Samsung, cu tin prueba den dje. Mientrastanto, e mucha muhe a wordo poni na disposicion di e Secretaria di Niñez, Adolescencia y Famia.
E tata bioilogico di e menor, Enoc Gonzalez, cu a separa di e mama ocho aña [asa, a pidi custodia di su yiu, mientras cu ya e ta criando otro dos yiu cu e tabatin cu e detenido. “Esey no tin nomber, mi no por bis’e nada,” e homber a declara, kende a cualifica e suceso como “horibel.”