Diabierna merdia polis a bay riba Watty Vos Boulevard pa un accidente cu basta daño material.
T’asina cu chauffeur di un Toyota Tercel colo blanco tabata para riba caminda cu su hazard light cendi, mirando cu e tabatin un taira gekap. Dado momento un HRV colo preto tabata biniendo di pariba riba un velocidad halto, a bay pa kita pa no dal e auto.
Asina mes el a alcansa esaki n’e skina di e auto, y finalmente a dal den e particion memey di caminda, bashando e muraya abao.
Durante e accidente aki tabatin chauffeur di ambos auto herida. A pidi presencia di ambulance p’asina trata e heridonan. Dama di e HRV preto a bay hospital, como tambe e chauffeur di e otro auto.
A tuma contacto cu esunnan encarga cu Watty Vos Boulevard p’asina nan presenta y drecha e particion cu a wordo basha abao.