Manece awe, un poco despues di mey anochi, polis mester a bay brinda ayudo na un homber maltrata den un di e cayanan di Dakota.
Diaranson mey anochi e patruya di Playa a bay direccion di Dakota pa brinda ayudo na e persona en cuestion,kende a resulta di ta Patricio. Nan a topa cu ne den bisindario di e veld di basjetball, den Caya Juancho Kock.
E polisnan a constata cu berdad nan a maltrat’e. Pero tambe a mira cu e tabata bou influencia di alcohol. A papia cu ne y a conta nan cu nan a maltrat’e pa motibo di un pechi.
Debi cu e tabatin lesionnan na su cara, corta, cu tabata sangra, a dicidi di pidi ambulance na e sitio. E paramediconan a dicidi pa hib’e hospital pa cose e heridanan.