A bati alarma pa personanan cu problema den awa pafo di Baby Beach

Dialuna prome cu 2’or di atardi algun persona na canto di lama na Baby Beach ora a constata cu tin algun hende cu problema den lama pa drenta bek paden entre Baby Beach y Rodgers Beach. Di biaha a despacha unidad policial y helicopter. Tabata tres persona cu tabata snorkel basta afo di Baby Beach y e coriente di lama tabata fuerte. Via di helicopter di Polis a guianan pa drenta bek paden pa evita un desgracia riba lama. E personanan a logra di yega canto sano y salvo, y polis a combersa cu nan debi na e situacion di lama.

Comments

comments