Mientras polis tabata ocupa cu un caso di persecucion na Rooi Bosal, nan mester a cambia di ruta y bay cu urgencia na Well Well Bar na Hooiberg pa un atraco andando. Mesora polis di Sta. Cruz y di Playa a mobilisa nan mes y a yega rapidamente na sitio.
Segun informacion, ta un persona a pasa y mira un supuesto atraco tumando luga. El hasta mira varios persona cu cara tapa. Na yegada di polis, a bin topa cu varios persona riba un trip y riba un harimento.
Nada di atraco y ningun atracado na sitio. Debi cu a mira un Nissan March den e area, a cuminsa controla tur vehiculo di e mesun modelo den e area. Na final tabata trata di un joke, cu e pone tur polis den un modo di urgencia pa yega Well Well Bar. Tin cu bisa si, cu tipo di joke asina tin su consecuencia cune.