WASHINGTON, D.C., Merca- E secretario di Salud Mericano, Tom Price, ta e centro di un escandalo. Esaki ta a raiz di su numeroso biahenan den vuelonan charter paga cu placa publico. El a presenta su renuncia na e cargo, segun White House a informa.
Price “a presenta su renuncia (…) y e presidente a acepta esaki”, White House a señala den un comunicado cortico.
Price a haya su mes literalmente den e centro di un espectacular polemica desde siman pasa, ora cu e descubri cu el a realisa por lo menos 26 vuelonan charter cu’n costo cu ta supera e 400 mil dollar.
Tom Price, dokter y ex- parlamentario famoso pa su atakenan contra di gastonan publico, incluso a charter un vuelo di ida y vuelta entre Washington y Philadelpia (un biahe un poco mas di mei hora) pa 25 mil dollar, aunke tin varios vuelonan diario entre e dos ciudadnan aki.
Ainda mester determina si miembronan di su famia tambe a beneficia di e vuelonan aki. Price a emiti un comunicado afirmando cu e lo paga e gastonan di e vuelonan aki bek.
Fuente: https://www.afp.com/es/