CATALUNYA, Spaña – E Departament de Salut di e Generalitat a ofrece dialuna un balance total di herido tras di e acontecimentonan di diadomingo na Catalunya, cu carganan policial riba e población di Polis y Guardia Civil pa impedi e celebración di e referéndum. En total e balance ta di 893 herido of contusiona, di cual cuater di nan ta na hospital y dos di nan den estado grave. Según e comunicado di Salut, e cifra di 893 persona ta referi na ciudadanonan cu a rekeri asistencia sanitario di parti di Servei d’Emergències Mèdiques (SEM), e centronan di atencion ta continua y hospitalnan di Catalunya. Dialuna ta keda cuater herido ingresa di cual dos ta den estado grave, pero stabil na e hospital di Sant Pau y di Vall d’Hebron. E heridonan aki ta hende homber, cu a sufri un lesion na wowo cu consecuencia di e impacti di un bala di rubber na Barcelona, circunstancia pa cual a oper’e di urgencia den e centro hospitalario y den otro caso, un homber cu a sufri un ataque di curason despues di a sufri un pusha y caminda cu un persona a cay riba dje.
E otro dos personanan ta den estado menos grave na e hospital di Calella y Hospital di Manresa.
Pa zona, Salut ta indica cu di e total di e Region Sanitario Barcelona tabata tin mas herido cu mester a wordo atendi, un total di 384. Di nan 302 a wordo atendí na e ciudad di Barcelona, 51 den e area metropolitano nort y 31 den e area metropolitano zuid. Den e región di Girona, a atende 250 persona. Na Lleida 111, 58 na Terres de l’Ebre, 47 na Catalunya Central, 42 na Camp de Tarragona y 1 na Alt Pirineu y Aran.
Fuente: http://www.lavanguardia.com/