Un grupo di 8 diferente medio di comunicacion Mericano tabata na San Nicolas admirando y disfrutando sacando potret di tur e arte. E grupo aki ta na Aruba actualmente den conexion cu e Eat Local Month. Mas y mas ta haci promocion y ta bin cu incentivanan pa bishitantenan, conoce nos Cultural and Heritage City, Minister encarga cu Turismo Otmar Oduber a informa.
Mester menciona cu e grupo aki ta bin Aruba un siman despues cu un otro grupo di periodista tabata di bishita na Aruba y como parti di nan tour a bishita nos ciudad di cultura y herencia San Nicolas. Algun di e medionan di comunicacion cu tabata presente ta Boston Magazine, Food Republic, The Daily Meal, Food Beast entre otro.
Oficina di turismo ta poniendo hopi atencion riba e centro di cultura y heritage cu ta San Nicolas, promoviendo e na nos bishitantenan. Tur esaki den preparacion pa cuminsa pone tur e informacion aki riba Aruba.com. “Pues ta wak cu ta cuminsa promove esaki, pues e fase dos awo cu ta pa cuminsa promove gruponan di hende, bin cu incentiva, convencionnan etc pa bay conoce pariba”.