Cada aña, Gobierno di Aruba hunto cu su partnernan ta reconoce Aruba su atleta di aña den e asina yama Premio Excelencia den Deporte. Un evento di gala cu e aña aki lo celebra su di 14 aña di existencia. Durante di un anochi di gala lo haci entrega di e maximo reconocimento na e diferente atletanan cu a destaca den e aña deportivo anterior. E evento di Premio Excelencia den Deporte ta e unico evento deportivo unda nos miho atleta, dirigente y oficialnan nomina ta bin hunto pa asina wordo reconoci pa e tremendo trabou desplega, den e caso specifico aki, den aña 2016. E aña aki un total di 71 atleta den diferente categoria a wordo nomina pa nan federacion como e miho atleta di aña. For di su inicio na aña 2003, atletanan den diferente ramo di deporte a gana e premio maximo y bira Aruba su deportista di aña. Pa loke ta e aña 2016, Premio Excelencia den Deporte ta priminti di bira uno yena di sorpresa. E comision encarga cu e trabou di supervision tabata tin e tarea dificil pa scoge e diferente nominadonan como e miho atleta di Aruba. Lotto, e loteria di Aruba cu semper a duna e sosten financiero maximo na nos federacionnnan deportivo ta masha orguyoso di por aporta grandemente un bes mas na e evento di gala Premio Excelencia den Deporte. Lotto kier a manda un palabra di pabien y elogio na e atleta, dirigente y oficialnan nomina y sin lubida, e federacion deportivo cu nan ta representa. Exito na cada un di boso e anochi aki.
Un danki sigur na Lotto, e loteria di Aruba cu ta subsidia e evento di gala Premio Excelencia den Deporte.
Cumprando weganan di Lotto, e Loteria di Aruba manera Catochi, Big 4, Zodiac, Wega di Number Korsou, Lotto di Dia, Lotto 5, Mini Mega, Mega Plus y weganan di Raspa bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.