MAICAO, Guajira – Tras consumi nan cuminda den un centro di Desaroyo Infantil (CDI) 70 mucha a intoxica cu alimentonan traha a base di banana, keshi y bienestarina na Maicao (La Guiajira). E menornan a presenta un malestar general, dolornan di stoma, sacamento y somnolencia, pa loke ta 21 di nan, a wordo remiti na cuido di dokter y e otro 49nan restante, a wordo hiba na Hospital San Jose, segun un informacion duna pa e Secretaria di Salud municipal na Caracol Radio.
Ainda no ta conoci e causa di e masiva intoxicacion, pa loke ta Justo Vega, secretario di Salud di Maicao, a splica na e medio aki cu a tuma varios muestra di e alimentonan y a wordo hiba na e laboratorio di salud pa determina e causa di e patologia aki.
CDI “Pequeños Genios” a bay na e luga unda cu a presenta e incidente, ta wordo opera pa e Desaroyo Social y Comunitario di La Guajira, entidad cu lo bay ta bao di investigacion, segun informe di ICBF, cu ademas a indica cu lo mas importante ta e muchanan cu lo ta entre dos y cinco aña, recupera y por bay cas.
E menornan ta for di peliger, ta sigui un proceso di rehabilitacion.
La Guajira a wordo duramente afecta den e ultimo añanan door di problemanan di corupcion, abandono y hamber, apesar cu den e ultimo dos añanan, e Gobierno a ricibi ocho biaha mas di e recursonan cu lo tabata custuma na ricibi, su problemanan no solamente no tabata tin un solucion, sino cu a agrava hasta un punto insostenibel.
Den gran parti, e comunidad Guajira te na e punto, cu den solamente seis aña, e departamento tabata tin cinco gobernador. Di nan cuater di nan ta cera. Den e caso di e exgobernador, Francisco “Kiko” Gomez, e delitonan no ta menor. El a wordo condena na 55 aña pa homicidio.
Fuente: www.elespectador.com