Cancer ta un di e principal causanan di morto den nos pais, solamente ta wordo supera pa tue enfermedadnan cu ta relaciona cu curason, manera atake of pretamento den pecho (angina pectoralis). Ta un enfermedad cu por aparece sin cu nos ta spera of tabata proximo na e factornan di riesgo ya cu su causanan ta inpreciso. Tambe ta posibel cu tin un porcentahe cu ta debe na e genetica den e caso cu den nos famia tabata tin antecedentenan di algun tipo di cancer.
Ainda asina, manera ya nos a bisa, tin factornan di riesgo cu por wordo provoca pa e aparicion di un cancer of otro. Hopi di nan ta conoci pa mayoria parti di persona.
Ehempel di esakinan por ta e relacion di tabaco cu e cancer di pulmon of di boca of sobre exposicion na e rayonan solar cu cancer na cuero. Tin otro tanto cu, door cu na no ta asina conoci of no ta facil relaciona nan cu riesgo aki, nos no ta pensa cu nan por provoca nos of facilita un alteracion di cel cu ta implica un cancer.
Kico por provoca cancer y bo no sa?
Aki nos ta bay lagabo cu un lista di cos y alimento cu por provocabo cancer y cu kisas, bo no tabata relaciona cu e aparicion di e enfermedad aki. E hecho cu por ponebo na riesgo, no ta nifica cu semper bo ta consumi’e of bo ta na nan disposicion ta haci esaki. Pensa cu tur den su medida husto no mester ta malo, pesey tin cu pensa cu hopi di e elementonan di e lista aki no lo supone un problema si no ta excede su consumo.
1.Popcorn
Na principio, no ta e popcorn ta loke por causa riesgo di cancer, ni tampoco e maishi cu e ta proveni di dje. E problema ta bin pa e radiacion cu e microwavenan ta emiti. Normalmente, ta cumpra e saconan di popcorn cu, ora e drenta den contacto cu e calor di e aparato electronico aki, e substancianan cu ta recubri e saco parti paden, por laga algun toxico los. Tin hopi estudio cu ta papia di e peliger di radiacion di microwave den contacto cu conservante of kimiconan determina cu ta wordo aplica na e alimentonan aki.
2. Fruta y vegetal di produccion industrial
Ta necesario remarca e matiz cu ta trata di alimentonan cu tin un produccion industrial. Es decir, durante su proceso di produccion a uza pesticida pa evita cu placanan caba cu nan cosecha. E problema ta grave cu den un porcentahe halto cercano na 90% di e fruta y berduranan aki di produccion industrial, ta wordo trata di e manera aki, provocando riesgo.
3. Tomati na bleki
Den e caso aki y siendo extensibel na otro productonan na bleki, e problema no ta bin tanto di e contenido, sino di e bleki cu ta contene. Esaki tin un contenido halto den BPA, un kimico cu ta actua como estrogeen y ta interumpi e actividad hormonal den curpa. E riesgo ta wordo produci ora cu e BPA ta pasa e producto cu ta den bleki y nos ta come. P’esey ta recomendabel purba di evita tipo di containernan asina.
4. Salo
Ya nos conoce e exceso di salo, no ta bon pa nos salud, pasobra e por provoca problemanan di hipertension arterial, pero su mal efectonan no ta keda eynan. Tin estudio cu a descubri cu alimentonan cu a wordo cushina cu un contenido halto di salo of cu a wordo cubri cu e ingrediente aki, por hiba un riesgo aumenta di padece cancer na stoma, cancer nasofaringeo of cancer di garganta.
5. Cortina di baño
Aunke e por parce algo inofensivo, e cortinanan cu habitualmente nos ta uza pa douche por ta componi di PVC ya cu e ta un di e plasticnan mas barata pa e produccion di e tipo di elementonan aki. E problema ta bin ora cu esaki ta libera toxina door di e vapornan cu e ta crea cu despues ta wordo inhala of ta ingresa den e cuero. Tin biaha no semper ta miho opta pa loke ta mas barata pa nos cas.
6. Producto pa nos mascotanan
Den e caso aki, nos no ta papiando di tur e productonan cu nos ta uza riba nos animalnan, sino cu loke ta sirbi pa elimina pieu y garpata. Na final, e no ta stop di ta insecticidanan perhudicial pa salud di sernan humano. P’esey, ta importante pa nos tin nos mascotanan limpi pa no tin mester di recuri na nan.
7. Bela
E problema di esaki no ta bin pa e tipo di bela cu ta, sino e material cu loke e mecha ta traha di dje. Den hopi caso, e mecha aki ta traha di lood y eynan ta caminda tin e preocupacion. Lood ta un substancia toxico cu ta bin ta acumula den e organismo, afectando diverso sistema di hende. Ta facil pa rij si un mecha tin lood of no. Basta cu purba di pinta un liña recht cu e mecha riba un papel. Den e caso cu e no aparece, ta pasobra e ta traha di lood.
Fuente: http://www.bekia.es/