Dialuna merdia departamento narcotica a tene un entrada hudicial na un cas na Casibari. Team di aresto tambe tabata presente durante e razia aki.
Presente tabata fiscal di ministerio publico, recherchenan a detene cuatro sospechoso tur ta hende homber y un ta menor di edad di 13 aña. A listra full den e cas y tuma varios articulo den beslag e.o cocaina, placa y piedra relaciona cu e investigacion andando. E sospechosonan a keda transporta pa warda di Polis unda interogacion lo sigui.
Rato despues durante full e listramento a bolbe detene dos persona mas un hende muher y un otro homber di edad hoben. A tuma tur cos den beslag cu tabata di importancia pa cu e investigacion, y un altezza tambe a keda confisca.
Aki ta sigui tur e inicialnan y edad di e sospechosonan.
S.Y.V. K. naci na Aruba di 23 aña.
J.A.N. K. naci na Aruba di 13 aña.
J.C. L. naci na Aruba di 18 aña
B.J.J. K. naci na Aruba di 19 aña.
M.G. Q. naci na Aruba di 31 aña.
Y un hende muher di inicialnan:
V.E. N. naci na Aruba di 67 aña.