REGENSBURG, Alemania – Por lo menos 547 mucha di e famoso coro Catolico Aleman di Regensburg, tabata victima di mal trato, incluyendo violacion, cometi entre 1945 y na inicio di e decada di 1990, segun un informe di e investigacion publica diamars.
Mas of menos 500 mucha di e coro Regensburger Domspatzen a sufri maltrato fisico y 67 di agresion sexual, incluyendo violacion, Ulrich Weber a bisa, kende ta abogado cual e iglesia a encarga pa pone un luz riba e caso aki, cu a rementa na 2010.
E cifranan aki ta ampliamente superior na esunnan publica na Januari di 2016, ora cu un informe intermedio a papia di 231 victima. Na Februari di 2015, autoridadnan Catolico local solamente tabata sa di 72.
E hechonan a referi na delito y crimennan cu ta bay di e privacion di alimentacion na violacion, pasando pa golpi y agresionnan sexual.
Mayoria di e casonan a prescribi, pa cual 49 presunto autornan di e violencia, identifica den e informe, no lo wordo husga. No obstante, cada un di e victimanan lo tin cu ricibi te cu 20 mil Euro di indemnisacion.
E victimanan a describi nan paso den e coro milenario aki y mundialmente conoci como “un prizon, un fiern y un campo di concentracion”, “e pio momento di nan bida, marca pa miedo, violencia y angustia,” Weber a declara.
Apart di e maltratonan aki, a tuma luga ora cu e ruman homber di e papa Emerito Benedicto XVI, monseigneur Georg Ratzinger, a dirigi e coro entre 1964 y 1994.
Monseigneur Georg Ratzinger, kende actualmente tin 93 aña, a sigura cu e no tabata sa di abusonan sexual den e seno di e institucion aki, funda na 975.
Segun Weber, e ruman homber di e papa emerito tabata sa y lo a “wak un otro banda,” ya cu tabata reina un “cultura di silencio” den e seno di e coro, unda cu tabata enfoca riba e proteccion di e instituto, segun e abogado.
Fuente: www.elespectador.com