Mayoria di e personanan cu ta experimenta cambio den soño na medida cu nan ta embehece, pero un revision nobo ta sugeri cu algun adulto mayor ta perde e capacidad di drumi di forma profundo y resaurador.
Y esey por tin consecuencianan pa salud, e autor di e revision a adverti, Bryce Mander, investigado riba soño na e Universidad di California na Berkeley.
E “fragmentacion” di soño a vincula cu varios afeccion medico, entre nan depresion y demencia, Mander a bisa. Personanan cu soño fragmenta ta lanta for di soño varios biaha pa anochi y ta perde e etapanan profundo di soño.
Ta berdad cu e afeccionnan medico of su tratamentonan, por provoca problemanan di soño, segun Mander.
Pero drumi malo tambe por contribui na enfermedadnan, el a añadi.
Un ehempel di demencia. E investigacion ta sugeri cu tin un vinculo “bidireccional” entre e perturbacionnan di soño y e proceso di demencia, Joe Winer a bisa, otro investigador di Berkeley, kende a traha den e revision.
Esey ta nifica cu, cu frecuencia demencia ta provoca problemanan di soño y drumi malo por di su banda acelera e declivenan den e memoria y habilidadnan di pensamento.
Segun Winer, e investigacion cu animalnan ta sugeri cu e soño profundo ta yuda “limpia” e celebro di e proteinanan beta amiloidea cu ta acumula den personanan cu demencia.
Asina cu por tin un “circulo vicioso”, Winer a plantea, caminda cu demencia y e hecho di drumi malo ta keda fomenta mutuamente.
Algun circulo vicioso similar por tambe tin di haber cu otro enfermedadnan, Mander a bisa. Pero tambe el a enfatiza cu algun cambio den e habitonan di soño por ta perfectamente normal.
Personanan mayor ta famoso pa nan tendencia na “drumi y lanta tempran.” Kisas tambe nan ta drumi un poco menos cu den nan hubentud. Y kisas esaki ta bon, investigadornan a bisa.
“Nos no ta desea di crea un panico respecto si ta drumi un poco menos cu antes di desaroya demencia,” Mander a comenta.
Pero el a añadi cu ta importante reconoce soño como un di e factornan di estilo di bida cu ta esencial pa un bon salud, hunto cu e ehercisio y un dieet saludabel.
Di hecho, Mander a anota un motibo pa cual ehercisio regular ta mantene nos sano ta cu por respalda un soño ta un di e factornan.
Dr. Sanjeev Kothare, un specialisa den soño cu no a participa den e estudio, a bisa cu drumi malo “claramente” tin consecuencianan pa salud.
Sleep Apnea ta un bon ehempel, Kothare a bisa, di e Centro Integral di Epilepsia y Sleep Langone di NYU, den e ciudad di New York.
Apnea obstructivo di soño ta provoca pausa y inicionan ripiti den e respiracion durante anochi y ta vincula cu enfermedadnan importante, manera enfermedad cardiaco y diabetes. E investigacion tambe ta sugeri cu por acelebra e perdida di memoria y pensamento.
Dr. Phyllis Zee, hefe di medicina di soño di e Universidad di Northwestern, na Chicago a bisa cu e calida di soño ta mas importante cu su “duracion.”
Di forma cu si e personanan mayor ta drumi un poco menos cu antes of ta lanta un biaha pa anochi y ta bolbe drumi rapidamente, probablemente esey no ta motibo di alarma, Zee a bisa.
Pero, el a bisa cu adultonan mayor por papia cu nan dokter si nan drumi di forma rutinario menos di seis ora pa anochi of falta di blokenan largo y “consolid” di soño.
Den algun caso, sleep apnea por tin e culpa, Zee a bisa.
Den otro caso, personanan kisas mester di ahuste den e estilo di bida pa na por mehora nan soño. Segun Zee, e bon noticia ta cu “e cambionan conductual y ambiental ta potente.”
Personanan mayor por mehora nan soño den inclui actividad fisico y social den nan rutina diario, Zee a sigura. Di anochi, el a sugeri sigura cu e temperatura den e camber ta comodo y limita e exposicion di luz artificial, vooral e briyo blauw di e pantayanan di computer y television.
Zee tambe a enfatiza e importancia di ricibi suficiente luz di marduga, mainta y den atardi. Esey ta yuda controla e ritmonan cicadiano (e ciclo di soño y vigilia) di e curpa.
Pero personanan no mester warda pa biehes pa duna importancia na soño. Segun e ekipo di Mander, personanan cu frecuencia ta cuminsa perde e capacidad di soño profundo den e mediana edad y e declive ta sigui a lo largo di varios aña.
Mander a bisa cu loke ainda no ta cla ta si bon custumber di soño na un edad mas tempran ta yuda protehe hende di problemanan pa drumi durante nan biehes.
E revision, cu a analisa e literatura medico riba e tema di soño y enbehecimento, ta aparece den e edicion online di dia 5 di April di e revista Neuron.
Fuente: Health Day