Nos di Comishon di Mayor conhuntamente cu e maestranan di Trupial Kleuterschool ta organisa un caminata pa recauda fondo pa nos scol. E caminata aki ta tuma lugar diasabra 5 di november y ta sali 5.30pm for di Hulpbestuurskantoor Santa Cruz y lo termina mes caminda. Ta bay tin dos opcion di ruta. Uno largo y e otro cortico, asina full famia por bin core of cana y pasa un rato ameno y aporta na nos skol. Riba cada ruta tin un post di awa y na final lo tin gatorade y apelsina. Pa 5.00pm lo cuminsa cu un zumba warm up. Registracion ta cuminsa 4:00pm. Mester registra pa ricibi un ticket pa participa den e tombola pa asina tin chens pa gana un di e tremendo premionan. E premionan ta cortesia di entre otro,El Gaucho Restaurant, Richelle Beauty Vision, Eforea Spa,Giselle Department Store, Setar, K&G Boutique,Footfit Saloon,Don Jacinto Restaurant, La Tratoria el Farro Blanco,
Digicel,Dowco,The Palm Tours,
Mio wireless,Aruba’s hands by Gaby,
G&G Pizza, Totto.
Meta di e caminata aki ta pa recauda fondo pa cumpra 3 airco nobo pa nos scol, ya cu e airconan actual tin 16 anja y ta gasta hopi na mantencion y coriente. Nos ta desea di tin un fondo disponibel prome cu nan laga nos muchanan den calor. Mayornan y maestronan di 16 aña pasa a recauda fondo pa awe nos yiunan tin airco y cu apoyo y sosten di pueblo di Aruba nos por cambia e airco nan aki ya nos yiunan y e sigiente generacion di mucha por sigi haya les den un ambiente agradabel cu airco. Pensa cu bo ta yuda awe pa nos yiunan cu ta actualmente na nos scol. Pero tambe pa e muchanan cu den futuro lo bishita nos school cu por ta bo nieta bo prima bo subrina un besinja of un conocir. Ticket ta obtenibel cerca tur mayor cu tin alumno na nos scol y tambe na Cuts & Curves na Savaneta y na Trupial Kleuterschool mes. Tambe nos tin un servicio e aña aki. Si bo mester mas di 10 ticket yama school na 5852250 entre 8:00am y 1:00pm y nos lo deliver nan pabo. Tambe por like nos FB page, Caminata Trupial Kleuterschool 2016.
Pueblo di Aruba ban cana diasabra dia 5 di november pa yuda nos scol, Trupial Kleuterschool.