Dolor di cabes por ta teribel. E dolor por cuminsa tras di wowo, den nek, schouder y den pecho. Tin biaha e ta claba dene fondo di e wowonan of den algun zona di e cabes y por ta horibel. Semper cu e cabes ta haci hopi dolor, bo mester acudi na bo dokter pa comproba cu no ta trata di un problema grave cu mester wordo trata inmediatamente pa profesional.
E bon noticia ta cu ta existi hopi forma natural di trat’e ora cu no ta problemanan hopi grave di salud. Si bo no sa formanan natural pa alivia dolornan di cabes, no perde e siguiente puntonan aki.
Formanan natural pa alivia dolor di cabes
1.Un massage
Aunke e alivio ta temporalmente massage e zonanan di dolor, lo yuda reduci e dolor di cabes. Bo por massage bo sintinan, nek, lomba, cabes y schoudernan pa ira si e sensacion pulsatil of punsante ta disparce. Si bo no por haci’e bo mes, pidi un hende di confianza pa haci’e pabo of acudi na un masahista.
Un sesion di massage semanal den e regionnan por reduci migraine y incluso promove un miho soño cada nochi. E rason cu e massage ta proporciona alivio ta debe na e movimientonan terapeutico di e cuero rond di e areanan preta. Ora cu ta aumenta e fluho di sanger, e zonanan afecta por relaha di manera natural.
2. Magnesium
Magnesium ta hopi mas sigur cu un analgesico. Normalmente, personanan cu ta sufri di migrain of dolor di cabes sigui tin nivelnan bao di magnesium, pa loke si e aumenta consumo di esaki, ta reduci dolornan di cabes.
Magnesium tambe por blokia productonan kimico pa e dolor di transmision cu por wordo haya den e celebro, mehora e funcion di e placanan y tambe evita e difusion di e depresion cortical.
Papia cu bo dokter pa e bisabo con bo por aumenta e consumo di magnesium den bo dieet of con pa tum’e cu siguridad. E por tin efectonan secundario manera diarea, pero pa e por pasa solamente e lo mester baha e dosis.
3. Acupuntura
Cu e medida aki, por hinca hanguanan fini bao di e cuero pa cambia e fluho di energia den curpa. Aunke sa ta un medida bastante caro hopi hende ta contento cu e resultado di acupuntra pa diferente dolencia, entre nan, dolor di cabes.
4. Azetanan esencial
E uzo di azetanan esencial no ta solamente pa aromaterapia. Ta existi varios azeta esencia cu ta bay bon pa dolornan di cabez, ehempel di nan ta azeta di menta of azeta di lavander.
E azeta di menta tin un efecto di duracion largo di enfriamento riba e cuero, loke ta stimula e fluho di sanger na regionnan afecta for di e frenta pa e contraccionnan muscular cu ta causa un dolor di cabes y danki na e esaki, e dolor por wordo calma.
E azeta di lavandel ta funciona di forma ligeramente diferente. E azeta aki sa cu ta un estabilisador di humor y tin cualidadnan sedante. Na 2012, tabata tin un estudio unda cu participantenan mester inhala azeta di lavander durante 15 minuut. Di 129 atake di dolor di cabes y migraine, 92 a wordo afecta positivamente pa e remedi di azeta di lavander. Asina ta cu si tur dos wordo uza hunto (lavander y menta) lo ta tur un escudo natural pa evita dolornan di cabes y migraine.
5. Calor y friu
Esaki ta un forma di controla dolornan di cabes sin riesgo y ta specialmente eficas contra migraine cu cualkier por haci. Incluyendo muhenan na estado y muchanan hopi chikito. Tin biaha, e miho manera di cuida di dolor implacabel ta un poco di remedi di calor y friu.
Ora cu kier alivia e tension, aplica e calor den e parti posterior di nek. Ora loke bo tin ta un dolor di cabes palpitante tras di bo wowonan of sinus, lo miho ta pa pone ijs riba e punto afecta. Permitiendo cu e temperatura di sanger refresca, e ta alivia e sensacion pulsatil.
Fuente: http://www.bekia.es/