Den e anochi di 30 di yüli 2019 e barco di Marina Real Zr.Ms. Groningen, cu na e momento ey ta haci trabou pa Warda Kosta, a coy un lote grandi di droga. Durante un patruya di e avion Dash di Warda Kosta na parti nort di e islanan ABC a mira un Go Fast. E helicopter NH-90 di Zr.Ms. Groningen a pone e boto para y a haña mas o menos 470 kilo di cocaina abordo di e Go Fast.
Tarea Zr.Ms. Groningen
Zr.Ms. Groningen for di dia 20 april ta activo den e area di Caribe. E barco ta wordo usa pa actua durante di operacion nan contra droga y pa ayudo humanitario. Banda di esei e ta wordo usa pa diferente tarea di Warda Kosta manera investigacion di pesca ilegal, delicto ambiental y pa reskate. Pa por haci e trabou aki Zr.Ms. Groningen tin dos FRISC (interseptor rapido) y un helicopter HN – 90.
Durante e patruya di e avion Dash di Warda Kosta nort di e islanan ABC a mira un boto ta core lihe, un asina yama Go Fast. Zr. Ms. Groningen a cambia su direccion pa e boto. E helicopter NH-90 a sabi di stop e Go Fast y compaña esaki te ora ku e interseptor a yega.
E droga y e tripulante a wordo tuma a bordo di Zr.Ms. Groningen pa su siguiente dia keda entrega na Warda Kosta.