E Organisacion Cabayista Arubano, O.C.A. tambe lo celebra nos Dia Nacional di Himno y Bandera cu un tremendo competencia di cabay na Villa Floralina. E feria di cabay celebrando nos himno y nos bandera lo wordo teni riba dos dia esta 25 maart y 26 di maart proximo. Riba e diasabra e competencia competencia di cabay y jinete y amazona principiante cu lo inicia for di 6or di atardi y lo bay te laat den oranan di anochi. Pa su majan diadomingo e feria lo inicia pa 3or di atardi esaki pa nos amazona y jinetenan den tur edad. Ta bon pa menciona cu for di awor caba nos por a presencia e diferente amazona y jinetenan hunto cu nan cabaynan ta entrena casi tur dia pa asina duna nan miho presentacion riba e dia di competencia na Villa Floralina.
Ya pa algun aña caba e Organsacion Caballista Arubano, OCA ta traha riba den bon forma riba desaroyo di e deporte aki na Aruba. E resultadonan internacional ta papia pasu mes cu varios titulonan mundial logra den e ultimo añanan pa diferente jinete y amazona den tur edad y categoria. Pa aña OCA ta organisa cu campeonatonan regular esaki local y internacional.
Un danki sigur na Lotto, e Loteria di Aruba pa medio di Comision di Subsidio cu a subsidia e Feria Himno y Bandera 2017 organisa pa Organisacion Cabayista Arubano, O.C.A.
Cumprando weganan di Lotto, e Loteria di Aruba manera Catochi, Big 4, Zodiac, Wega di Number Korsou, Lotto di Dia, Lotto 5, Mini Mega, Mega Plus y weganan di Raspa bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.