Cu e paso di tempo, e dermis ta bay cambiando su tonalidad y ta aparece circulonan bruin chikito riba full e cara y riba e mannan.
Ta existi diverso remedinan di ca cu ta evita e manchanan di edad y nos ta bay contabo den e articulo aki.
Manchanan di edad: signo di embehecimento
E cambionan cu ta wordo produci den e curpa a medida cu nos ta cumpli aña, ta inegabel. Entre nan nos por menciona e “lentigonan solar” tambe conoci simplemente como “manchanan di edad.”
E ta un di e señalnan di embehecimento mas comun, pero cu ta aparece hopi prome: na edad di 40 aña ya bo por waknan.
E manchanan aki ta mas grandi cu purunchi, di color scur y plat. E ta desaroya vooral riba:
Man
Frenta
Brasa
Cara
E parti superior di e pecho
Si ta bon, no tin consecuencianan grave pa salud, hopi persona cu kier evita nan of ta elimina nan ta pa un cuestion di estetica.
E principal causa di e manchanan di edad ta e exposicion di solo.
Aunke e ser humano ta precisa di ta den contacto cu rayonan ultravioleta pa fabrica vitamina D, loke ta berdad ta cu su exceso por daña e dermis.
Pasa hopi ora den aire liber ta daña e capanan superficial di e piel y ta acelera e proceso degenrativo.
Otro di e factornan desencadenante di e manchanan riba cuero ta e substancianan fotosensibilisador (ta presente por ehempel den algun perfume), cualnan ta origina un reaccion alergico ora di drenta den contacto cu e luz di solo.
Tambe tin personanan mas propenso na e lentigonan pa predisposicion genetico.
Con pa preveni manchanan di edad
Hopi hende muhe (y algun hende homber) ta preocupa pa e manchanan riba e mannan of na cara ora cu ya nan a aparece.
Sin embargo ta hopi importante e prevencion tempran di e problema aki. Ya desde 30 pa 35 aña ta recomenda cambia algun custumber pa reduci e aparicion di e marcanan maron aki:
1.No expone na demasiado solo
Ta hopi importante pa proteha bo mes di e rayonan UV pa evita e daño na e cuero. Ora cu e solo ta hopi intenso (por ehempel, merdia) e ta genera kemaduranan leve riba e dermis cu despues ta transforma den mancha.
2.Uza factor di proteccion
Den dianan solea y calor, ta recomenda e uzo di un crema cu, por lo menos 30 factor di proteccion. Blokiador y protectornan pa mucha tambe por ta di hopi ayudo si nos tin e cuero demasiado blanco of sensibel.
3.Uza pañanan adecua
Ademas di no sali riba caya entre 11’or di mainta y 3’or di atardi, ta recomenda tambe bisti prensanan cu ta cubri e zojnanan mas blanco di e cuero (por ehempel, e lomba).
4.Come fruta y berdura
E alimentacion ta fundamental pa mantene nos sano paden y pafo.
Nos ta recomenda pa bebe hopi juice di frutanan natural, salada, soppi, gaspacho y tur e recetanan cu por bin den bo cabes cu ta inclui berduranan curu y di temporada.
Remedinan casero pa evita manchanan di cuero
Si a aparece e prome marcanan riba e dermis pa causa di e exposicion na solo of e paso di aña, no desanima bo mes.
Ta existi diferente receta natural cu bo por reduci nan:
Mascara di garbanso
E ta di facil preparacion y e ingredientenan por wordo haya den cualkier luga. Nos ta recomenda pa uza e garbansonan den bleki pa bo no mester cushina durante varios ora.
Ingrediente
½ cup di garbanso cushina (150g)
¼ cup di awa (62 ml)
Preparacion
Den un comchi pone e garbansonan previamente laba
Pone un tiki di e awa, mientras cu bo ta machica e garbansonan
Ora cu keda un pasta uniforme, aplica esaki riba e manchanan (e zona mester ta limpi y seco).
Lag’e 20 minuut pa e por seka bon.
No hawa e area: laga pa e pasta seco “cay” su so.
Ripiti e tratamento aki tur anochi.
2.Juice di lamunchi
E gran nivel di acido ta penetra den e capanan di e cuero y ta kita e mancha. E remedi aki tin cu wordo aplica anochi, pa evita e efecto contrario: lamunchi den contacto cu e solo ta genera mancha.
E ta perfecto ora cu ta aparece e prome marcanan.
E ta asina simpel manera corta un lamunchi na mita y freg’e riba e cuero despues cu nos baña.
Despues di algun minuut, haw’e cu awa lauw.
Si bo no tin lamunchi, bo por purba cu siboyo cora, cu ta ofrece e mesun resultadonan.
3. Djente di leon
E mata aki ta hopi efectivo pa elimina e manchanan di edad. No duda pa tin’e den bo cas.
E tratamento ta hopi simpel
Por habri un stam di e djente di leon di forma horizontal pa extrae e likido di e interior.
Frega cun’e riba e marcanan te cu tres biaha pa dia. No haw’e.
Bo por haci mesun cos cu e gel di e interior di un blachi di aloe (otro di e matanan cu no mag falta den cas).
4. Binager di Appel
Seguramente lo bo tin e ingrediente aki den bo cushina. E tin efectonan similiar na esun di e lamunchi, pa su nivel di acido.
Si bo mescla esaki cu bo cremanan pa mannan habitual (2 parti di crema y 1 parti di binager) lo bo logra un remedi casero increibel pa elimina manchanan di edad.
Fuente: https://mejorconsalud.com