Internacional: Un muhe Polaco a wordo deteni pa golpia su pareha cu un wes’i sopi cu e tabata cushinando, despues cu ambos a discuti burachi riba politica, e medionan local a informa.
E disputa domestico tabatin di haber cu e eleccionnan local na Bartszyce, ciudad ubica den e parti nort di e pais. E muhe di 44 aña, tabata cushinando e momento ey, asina ta el a uza e sopi como arma improvisa pa golpia su oponente riba su cabes.
E homber a cay flauw y e muhe a yama servicio di emergencia y a confesa e tabata esun cu a golpi’e. Su pareha a wordo hiba na unhospital, cmainda cu el a ricibi algun stitch door di e herida.
“E pareha tabata bao efecto di alcohol, pa cual probablemente e factor ey tambe a keinta e temperatura di e disputa,” segun polis.
Mientrastanto, e muhe a wordo ingresa den un centro di detencion policial. Debi cu e tin un historia penal pa maltrata su pareha y un condena den suspension condicional, e por enfrenta te cu 7,5 aña di prizon.
